Ние

Ние бевме неподносливо слободни во сопствените окови,
нашето време беше крајно бескрајно истрошено,
ние бевме страшно осамени еден крај друг,
ние можевме да направиме се' и тоа ти беше здодевно.
Ние бевме наивно несвесни за туѓата завист,
нашиот свет го поделивме на мој и твој,
го плукавме и презиравме секој туѓиот,
себично го голтавме секој својот
дур не се задавивме од алчност.