Уште малку

Уште само неколку мориња коњак,

уште само еден брег од коцки лед,

уште само една лавина од солзи,

уште само безброј туѓи допири,

уште само оваа зима, и можеби наредните,

уште само сите Снешковци да се стопат,

уште само сите спомени да замрзнат,

уште само со една цигара да го замаглам градов,

уште само сите танго прегратки на светот,

уште малку и сигурно ќе те заборавам.